ជំងឺអាឡាក់ស្សុីច្រមុះ (allergic rhinitis)

ជំងឺអាឡាក់ស្សុីច្រមុះ (allergic rhinitis) គឺការរលាកតាមផ្លូវច្រមុះ ដែលបណ្តាលអេាយមានរេាគសញ្ញាដូចជា កណ្តាស់ រមាស់ច្រមុះ តឹងច្រមុះ ហៀរសំបេារ និងហូរស្លេសតាមបំពងកជាដេីម។

ជំងឺអាឡាក់ស្សុីច្រមុះ (allergic rhinitis) អាចកេីតក្នុងរយះពេលខ្លីដែលបណ្តាលមកពីការរលាកផ្លូវដង្ហេីមដេាយសារពួកវីរុស និងអាចជារុាំរៃដេាយការអាឡាក់ស្សុីនឹងអ្វីមួយ។

តេីអ្នកណាខ្លះអាចមានបញ្ហានេះ?

ប្រហែល ២០%នៃមនុស្សទាំងអស់មានបញ្ហា ជំងឺអាឡាក់ស្សុីច្រមុះ (allergic rhinitis) ជាពិសេសអ្នកដែលធ្លាប់មានជំងឺហឺត ជំងឺតាអក(អាឡាក់ស្សុីស្បែក) និងអ្នកជំងឺដែល
គ្រួសារបងប្អូនមានប្រវត្តិអាឡាក់ស្សុី។

ជំងឺអាឡាក់ស្សុីច្រមុះ (allergic rhinitis)ច្រេីនកេីតដំបូងលេីក្មេងតូចៗ និងក្មេងជំទង់ ហេីយអាចបន្តចេញបាត់ៗរហូតដល់វយ័ចាស់។

តេីមូលហេតុបង្ករជំងឺអាឡាក់ស្សុីច្រមុះ (allergic rhinitis)មានអ្វីខ្លះ?

ការរលាកផ្លូវច្រមុះដែលបណ្តាលអេាយមាន ជំងឺអាឡាក់ស្សុីច្រមុះ (allergic rhinitis)គឺបណ្តាលមកពីច្រមុះ
មានប្រតិកម្មជាមួយនិងធាតុបង្ករអាឡាក់ស្សុី (allergen)អ្វីមួយ។

 ធាតុបង្ករអាឡាក់ស្សុី (allergen)ដែលជួបប្រទះញឹកញាប់រួមមាន:

គ្រឿងសមុទ្រ
គ្រឿងផ្អាប់ដូចជាប្រហុក ផ្អក
រេាមសត្វរេាមឆ្កែរេាមឆ្មា
ផ្សែងបារី ផ្សែងឡានម៉ូតូ
ធូលីដី លំអងផ្កា អាកាសធាតុ និងសត្វល្អិតជាដេីម។

តេីរេាគសញ្ញាជំងឺអាឡាក់ស្សុីច្រមុះ មានអ្វីខ្លះ?

រេាគសញ្ញាអាចខុសពីមនុស្សម្នាក់ទៅមនុស្សម្នាក់។ ទោះបីជាពាក្យថា ជំងឺអាឡាក់ស្សុីច្រមុះ មានពាក្យច្រមុះ តែរេាគសញ្ញាមានរួមទាំងភ្នែក បំពង់ និងត្រចៀក។

ច្រមុះ: ហៀរសំបោរ តឹងច្រមុះ រមាស់ច្រមុះ កណ្តាស់ លែងដឹងក្លិន
ភ្នែក: ហូរទឹកភ្នែក ហេីមភ្នែក ភ្នែកឡេីងក្រហម វង្វង់ភ្នែកឡេីងខៀវ
បំពង់ក និងត្រចៀក: ឈឺក ស្អកក រមាស់ក ហឹងត្រចៀក រមាស់ត្រចៀក

វាអាចរំខានដល់ការដេកដូចជា ត្រូវដកដង្ហេីមតាមមាត់ ធ្វេីអេាយងាយភ្ញាក់ អស់កំលាំងនៅពេលថ្ងៃជាដេីម។

តេីកាធ្វេីរេាគវិនិច្ឆ័យជំងឺអាឡាក់ស្សុីច្រមុះ ដេាយរបៀបណា?

គ្រូពេទ្យអាចធ្វេីរេាគវិនិច្ឆ័យដេាយងាយដេាយការសួរប្រវត្តិជំងឺ និងពិនិត្យជំងឺ។

តេីការព្យាបាលជំងឺអាឡាក់ស្សុីច្រមុះ ដេាយរបៀបណា?

ការព្យាបាលរួមមាន ការកំនត់ភ្នាក់ងារដែលបង្ករអេាយ
អាឡាក់ស្សុី (allergen) ហេីយព្យាយាមនៅអេាយឆ្ងាយពីវា។

ការប្រេីប្រាស់ថ្នាំលេប ថ្នាំបាញ់ច្រមុះ និងថ្នាំចាក់។

បេីមានបញ្ហាបារម្មណ៍ សូមទៅពិភាក្សាជាមួយពេទ្យ៕