ការទល់លាមកចំពោះកូនក្មេង ( constipation in children)

តេីកូនក្មេងត្រូវបន្ទរបង់ ប៉ុន្មានដងក្នុងមួយថ្ងៃ?

ការបន្ទរបង់របស់ក្មេងៗ តិចឬច្រេីនដងគឺវាទៅតាមអាយុក្មេង។
១. កូនង៉ែតទេីបតែកេីត អាយុ២ទៅ៣អាទិត្យ អាចជុះ ៤ដងឬច្រេីនជានឹង ក្នុងមួយថ្ងៃ។ លាមកមានសភាពទឹកលាយកាកដូចភក់
២. អាយុ ៣ខែដំបូង ក្មេងជុះ យ៉ាងតិច ២ដងក្នុងមួយថ្ងៃ
៣. ក្មេងចាប់ពីអាយុ ១ឆ្នាំទៅ អាចជុះយ៉ាងតិចម្តងក្នុងមួយថ្ងៃ
ក្មេងនិមួយៗ មានលក្ខណៈខុសគ្នា ក្មេងខ្លះជុះតិច និងខ្លះជុះច្រេីន។

តេីលក្ខណៈបែបណាខ្លះដែលថាក្មេងមានបញ្ហាទល់លាមក?

ក្មេងដែលមានបញ្ហាទល់លាមក មានដូចករណីខាងក្រេាម:
១. ជុះតិចជាងចំនួនធម្មតា
២. លាមក រឹងពិបាកជុះ
៣. ប្រឹងជុះ ឈឺ និងយំរករឿងពេលបន្ទរបង់ម្តងៗ
៤. មិនចង់ជុះ
៥. លេចជ្រាបលាមកប្រលាក់ខេា

តេីត្រូវយ៉ាងមិចខ្លះនៅពេលក្មេង មានបញ្ហាទល់លាមក?
ក្មេងភាគច្រេីនធូរស្រាលមកធម្មតាវិញ ដេាយគ្រាន់តែផ្លាស់ផ្តូររបបអាហារៈ

១. ញុាំអាហារបន្លែ ផ្លែឈេីដែលមានជាតិសសៃ ( Fiber food) ដូចជាចេក ល្ហុងជាដេីម
២. ផឹកទឹកអេាយបានច្រេីន ឬទឹកផ្លែឈេី
៣. ជៀសវាង ទឹកដោះគេា ទឹកដោះគោជូរ ការ៉ែម និងឈឺសជាដេីម។

តេីក្មេងដែលមានបញ្ហាទល់លាមកគួរជួបពិគ្រោះ ជាមួយពេទ្យក្នុងករណីណាខ្លះ?

១. បេីក្មេងមានអាយុតិចជាង ៤ឆ្នាំ
២. មានបញ្ហាទល់ លាមកញឹកញាប់
៣. ជុះមកមានឈាមមកជាមួយ
៤. ពេលជុះមកក្មេងឈឺពោះខ្លាំ

មានបញ្ហាបារម្មណ៍ ទៅពិគ្រោះយេាបល់ជាមួយគ្រូពេទ្យ៕