ជំងឺព្រូនទ្រីឈិននែលឡូសិស (trichinellosis or trichinosis)

មានករណីមនុស្សស្លាប់នៅខេត្តកំពង់ធំក្រេាយពីបរិភេាគសាច់ជ្រូកព្រៃឆៅ។ ថ្ងៃនេះក្រសួងសុខាភិបាលកម្ពុជា បានប្រកាស ក្រេាយពីរកឃេីញថាបុគ្គលទាំងនោះស្លាប់ដេាយសារជំងឺជំងឺព្រូនទ្រីឈិននែលឡូសិស (trichinellosis or trichinosis)។

តេីជំងឺព្រូនទ្រីឈិននែលឡូសិស (trichinellosis or trichinosis) ជាជំងឺអ្វី?

ជំងឺនេះបង្ករមកពីការទទួលទាន សាច់ឆៅ ឬសាច់មិនទាន់ឆ្អិនល្អដែលសាច់ទាំនេះមានផ្ទុកពពួកព្រូនមូល(roundworm) ឈ្មោះថា Trichinella។
សាច់សត្វទាំងនេះរាប់បញ្ចូលទាំងសាច់ជ្រូក និង សាច់សត្វព្រៃជាដេីម។

តេីរេាគសញ្ញាជំងឺព្រូនទ្រីឈិននែលឡូសិស (trichinellosis)មានអ្វីខ្លះ?

រេាគសញ្ញាអាចលេចចេញ ២-៤ថ្ងៃក្រេាយ បរិភេាគសាច់ឆៅរឺមិនទាន់ឆ្អិនល្អ ព្រូនទាំងនេះចូលតាមផ្លូវអាហារ ហេីយនិងជ្រៀតចូលតាមផ្ទៃជញ្ជាំងរបស់ពោះវៀន ធ្វេីអេាយមានរេាគសញ្ញាដូចជា:
រាគរូស
ក្អួតចង្អេារ
ឈឺពោះ និងអស់កុំលាំង

ក្រេាយពីជ្រៀតចូលផុតផ្ទៃជញ្ជាំងពោះវៀន ព្រូនទាំងនេះនិងទៅនៅតាមសាច់ដុំ និងជាលិកាផ្សេងៗទៀត។ វាបន្តធ្វេីអេាយមានរេាគសញ្ញាដូចជា:
ក្តៅខ្លួន
ឈឺសាច់ដុំ
ឈឺក្បាល
ទន់ដៃទន់ជេី អស់កំលាំង
ហេីមភ្នែក ហេីមមុខជាដេីម

ជំងឺនេះធ្វេីអេាយមានផលវិបាកធ្ងន់ធ្ងរ ដូចរលាកសាច់ដុំបេះដូង រលាកស្រេាមខួរ រលាកសាច់ខួរ និងរលាកសាច់សួត។

តេីការធ្វេីរេាគវិនិច្ឆយ័នៃ ជំងឺព្រូនទ្រីឈិននែលឡូសិស (trichinellosis or trichinosis)ដេាយរបៀបណា?

១. ការបូមតេសឈាមរកមេីល គ្រាប់ឈាម ស កេីនឡេីង(eosinophilia)
២. ជាទូទៅ ពិនិត្យមេីលលាមក មិនរកឃេីញព្រូននេះទេ ដេាយសារពួកវាទៅនៅនឹងសាច់ជាលិកា និងសាច់ដុំមនុស្ស ដូចនេះការច្រិបយកសាច់ដុំទៅពិនិត្យមេីល អាចរកឃេីញពពួកព្រូន trichinella នេះ។

តេីការព្យាបាលជំងឺព្រូនទ្រីឈិនឡូសិស (trichinellosis or trichinosis) ដេាយវិធីណា?

បេីទុកអេាយជំងឺនេះ វិវត្តន៍ទៅ រលាកសាច់ដុំបេះដូង រលាកស្រេាមខួរ រលាកសាច់ខួរ នោះអាចប៉ះពាល់ដល់អាយុជីវិត
ដូចនេះការព្យាបាលរួមមាន:
១. ថ្នាំសំលាប់ព្រូន antihelminthic ( Albendazole or mebebdazole) បេីពពួកបព្រូនទាំងនេះ នៅរាលដាលនៅពោះវៀននៅឡេីយ។
២. ការប្រេីថ្នាំបាត់ការឈឺចាប់ ជាដេីម។

វិធីការពារល្អបំផុតគឺចៀសវាងការបរិភេាគសសាច់ឆៅ ឬមិនឆ្អិនល្អ។

បេីមានបញ្ហាព្រួយបារម្មណ៍ ឆាប់ទៅពិភាគសារជាមួយគ្រូពេទ្យ៕